مادر ملت فاطمہ جناحؒ کا 131 واں یوم پیدائش آج‘ پاکستانیوں کیلئے رول ماڈل، بلاول
مکوآنہ؍ اسلام آباد (این این آئی+ نمائندہ خصوصی) مادر ملت محترمہ فاطمہ جناح کا131واں یوم پیدائش آج 31جولائی کو منایا جائے گا۔ بلاول بھٹو زرداری نے مادر ملت فاطمہ جناح کی سالگرہ پر انہیں بھرپور خراج عقیدت پیش کرتے ہوئے مادر ملت کی جمہوریت کے لیے غیر متزلزل عزم اور پاکستان کے لیے انتھک جدوجہد کی تعریف کی۔ انہوں نے فاطمہ جناح کو امید کی کرن اور تمام پاکستانیوں کے لیے ایک رول ماڈل قرار دیا۔ بلاول بھٹو زرداری نے کہا کہ فاطمہ جناح کی آزادی، مساوات اور انصاف کے اصولوں کے لیے وابستگی ہم سب کے لیے تحریک ہے۔
