بلاول، آصفہ کی رہائش گاہ جا کر رضا ربانی سے ہمشیرہ کے انتقال پر تعزیت
اسلام آباد؍ کراچی (نمائندہ خصوصی+ نوائے وقت رپورٹ) پیپلزپارٹی کے چیئرمین بلاول بھٹو زرداری اور رکن قومی اسمبلی بی بی آصفہ بھٹو زرداری سینیٹر رضا ربانی کی رہائش گاہ گئے اور رضا ربانی سے ان کی ہمشیرہ کے انتقال پر تعزیت کی، بلندی درجات کے لئے فاتحہ خوانی اور لواحقین کے صبر جمیل کی دعا کی۔ پی پی پی سندھ کے صدر نثار کھوڑو اور جنرل سیکرٹری وقار مہدی نے بھی رضا ربانی سے تعزیت کی۔ سینیٹر سیف اللہ مگسی نے چیئرمین پیپلز پارٹی بلاول بھٹو سے ملاقات کی۔ سینٹ اور ملک کی سیاسی صورتحال پر بات چیت کی گئی۔
