لاہور(سپورٹس رپورٹر)پاکستان کے احسن ایاز نے امریکہ میں ہونے والا کولی ول اوپن سکواش ٹورنامنٹ جیت لیا ہے، فائنل میں احسن نے بھارت کے یاش بھارگوا کو شکست دی۔امریکی ریاست ٹیکساس میں ہونے والے کولی ول اوپن سکواش میں تھرڈ سیڈ احسن نے بھارتی حریف یاش کو تین۔ایک سے شکست دی۔احسن نے پہلا گیم جیتا جس کے بعد یاش بھارگوا نے کم بیک کیا لیکن پھر تیسرا اور چوتھا گیم پاکستانی پلیئر نے جیت کر اپنے کیریئر میں ایک اور ٹرافی کا اضافہ کیا۔احسن کی جیت کا سکور گیارہ چھ، آٹھ گیارہ، گیارہ تین اور گیارہ آٹھ رہا۔ یہ اس سال احسن ایاز کا پانچواں ٹائٹل ہے۔ٹورنامنٹ کی مجموعی انعامی رقم تین ہزار ڈالر تھی۔