سربراہ پاک فضائیہ کی ترک صدر سے ملاقات، دفاعی تعاون بڑھانے کے عزم کا اعادہ
انقرہ (نیٹ نیوز) پاک فضائیہ کے سربراہ ائیر چیف مارشل احمد بابر سدھو نے دورہ ترکیہ کے دوران ترک صدر اور عسکری قیادت سے ملاقاتیں کیں۔انقرہ آمد پر ترک صدر رجب طیب اردگان نے صدارتی کمپلیکس میں ائیر چیف مارشل احمد بابر سدھو کا پرتپاک استقبال کیا۔ملاقات میں دونوں ممالک کے مابین دفاعی تعاون کو مزید فروغ دینے کے مشترکہ عزم کا اعادہ کیا گیا۔ائیر چیف نے دفاع اور ہوا بازی کے شعبوں میں تعاون کے لیے نئی راہیں استوار کرنے کی خواہش کا بھی اظہار کیا۔ائیر چیف مارشل ظہیر احمد بابر سدھو نے ترک فضائیہ کے کمانڈر جنرل ضیا کمال ، چیف آف ترک جنرل سٹاف جنرل متین گوراک اور ترکیہ کے وزیر برائے قومی دفاع جنرل یاسر گولیر سے بھی الگ الگ ملاقاتیں کیں۔
