حکومت مخالف اتحاد کیلئے جماعت اسلامی کا پی ٹی آئی سے رابطہ
اسلام آباد (نوائے وقت رپورٹ) حکومت مخالف اتحاد کے لیے جماعت اسلامی نے پاکستان تحریک انصاف سے رابطہ کرلیا۔ ذرائع کے مطابق جماعت اسلامی کے امیر حافظ نعیم الرحمن نے تحریک انصاف کی قیادت سے رابطہ کیا ہے اور دونوں جماعتوں کی قیادت کے درمیان ملاقات طے ہوگئی ہے۔ ذرائع کے مطابق جماعت اسلامی کا وفد آج پیر کو پی ٹی آئی وفد سے اسلام آباد میں ملاقات کرے گا۔ ملاقات میں سیاسی امور اور اپوزیشن کی مشترکہ حکمت عملی کے بارے میں تبادلہ خیال ہوگا۔
