لاہور‘ فیروزوالہ (نوائے وقت رپورٹ+ نامہ نگار) لاہور میں راستے بند ہونے کی وجہ سے دولہا اپنی دلہنیا کو موٹر سائیکل پر بٹھا کر رخصت کرکے لے گیا۔ پاکستان تحریک انصاف کے احتجاج کے باعث بتی چوک لاہور پر مکمل طور پر ٹریفک بند ہونے سے معمولات زندگی مفلوج ہوکر رہ گئے۔ نئی نویلی دلہن بھی راستہ بند ہونے سے پریشان ہوگئی۔  واقعے کی ویڈیو بھی سامنے آگئی جس میں دلہن کو پیدل آتے اور موٹر سائیکل پر بیٹھتے دیکھا جا سکتا ہے۔